Ponse
en coñecemento de todos os interesados que, ao
abeiro do establecido na Lei Orgánica do Poder
Xudicial, convócase o proceso de elección
do Xuíz de Paz de Avión, tanto titular
como substituto.
Todas aquelas persoas
interesadas en participar neste proceso poden solicitar
máis información así como presentar
a súa solicitude nas oficinas do Concello de
Avión.
O
prazo remata o vindeiro día 28 de Xullo
------------------------------------------------
Camiño
Santiago 2010
Nos
enlaces que aparecen abaixo poderás atopa-las
fotos pertencentes a cada unha das etapas do Camiño
de Santiago 2010. Moitas gracias a todos os que nos
enviaron xa as súas fotos. Se ti tamén
queres enviarnos ás túas fotos das etapas
podes facelo no seguinte enderezo: cultura@concelloavion.org
Final
Camiño Santiago 2010 ------------------------------------------------ Campaña
de Reciclaxe de Teléfonos Móbiles O
Concello de Avión participa na campaña
de recollida e reciclaxe de teléfonos móbiles
en desuso que está a levar a cabo a Asociación
de Discapacitados Físicos en colaboración
coa Deputación Provincial de Ourense.
Por
isto colocáronse contenedores
específicos tanto no Concello
como no Posto de Protección
Civil, no Campo da
Feira, onde todas aquelas persoas que teñan teléfonos
móbiles que non usen ou que non funcionen poden
depositalos, evitando así o seu verquido incorrecto.
Con esta iniciativa, ademais
de darlle unha saída a estes aparellos xa inservibles,
dáse unha solución ambientalmente axeitada
á crecente xeración deste tipo de residuos
tan contaminantes. Se
ten teléfonos móbiles que non funcionen,
por favor non os tire ó lixo, tráiganoslos
ó Concello ou ó Posto do 112, no Campo
da Feira, para o seu reciclaxe e evitar así a
contaminación que supón o verquido incorrecto
destes aparellos. ------------------------------------------------
Centro da
Muller
O Centro
da Muller foi creado co obxectivo de informar, orientar
e asesorar, de xeito gratuíto ás mulleres
de Avión.
Aquelas
mulleres que se acheguen a este Centro poderán
recibir información sobre calquera cuestión
que lles suscite dúbidas ou curiosidade, xa que
a súa principal función é facilitar
un rápido asesoramento individualizado sobre
aspectos xurídicos, sociais e psicolóxicos
que permita ás mulleres desenvolver plenamente
os seus dereitos.
Entre
as accións que se levan a cabo, están
aquelas relacionadas co fomento do asociacionismo feminino,
a promoción da participación das mulleres
na vida social, cultural e económica do Concello,
así como a prevención e erradicación
da violencia de xénero.
HORARIO
DE ATENCIÓN:
De Luns a venres de 9:30h a 14:30h
ENDEREZO:
Ctra. O Sifón nº 15, C.P. 32520 Avión
(Ourense)
DATOS DE CONTACTO:
Telf. 988 48 65 28 Fax. 988 49 08 39
O Concello de Avión
ven de ampliar o seu Servizo
Municipal deUrbanismo.
Así, ademáis do Aparellador,
que ven todos os Mércores
e Venres, agora contamos
tamén con unha
Arquitecta, que estará
todos os Martes e Xoves. Con
este novo Servizo preténdese prestar un mellor
asesoramento urbanístico sobre donde e como se
pode construír, informar sobre criterios para
a realización de reformas, tanto interiores como
exteriores, así como construcción de obra
nova, reconstrucción ou rehabilitación
de vivendas, etc.
Ademais, dende este novo
Servizo se poderá informar a todos os interesados
sobre as posibilidades de obter subvencións ou
axudas, cando existan, para rehabilitación, renovación
de calidade nas vivendas, infravivendas, etc.
De
paso que acode ás oficinas do Concello a solicitar
a correspondente licencia de obras aproveite e resolva
as súas dúbidas sobre urbanismo, construcción,
axudas, etc., acudindo ao Servizo Municipal de Urbanismo. ------------------------------------------------
Novo
Servizo de Urxencias Sanitarias
Desde o Posto de Socorro
que hai no Campo da Feira, prestarase un servizo de
emerxencias con cobertura de 24 horas os 365 días
do ano.
Con este servizo por parte
do Concello de Avión mellorase o servizo de cobertura
de Protección Civil. Así, desde o mesmo
Posto de Socorro do Campo da Feira coordinaranse as
actuacións, non só de emerxencias sanitarias,
senón tamén de incendios urbanos, accidentes
de circulación, cortes de estradas motivados
sobre todo por inclemencias meteorolóxicas, ou
calquera outra situación de emerxencia que se
produza.
Para este servizo, todo
aquel que o precise pode chamar ao número 112
ou se o prefieren ao número
gratuito: 800.007.823,
estando operativo as 24 horas do día e os 365
días do ano.
-------------------------------------------------
Vivendas Sociais
Unha vez formalizada
xa a cesión dos terreos necesarios por parte
deste Concello de Avión a favor da Xunta de Galicia
vaise a iniciar proximamente a construción das
Vivendas de Promoción Pública
Un dos requisitos imprescindibles
para poder optar no seu día a unha destas vivendas
é estar de alta no Rexistro
de Demandantes de
Vivenda Protexida de Galicia da Consellería de
Vivenda e Solo
Quenes teñan interese
en darse de alta neste Rexistro poden facelo ou ben
dende a páxina web da Consellería de Vivenda
e Solo, no enderezo electrónico: http://conselleriavivenda.xunta.es,
ou ben, se o prefiren, poden acudir ás oficinas
do Concello de Avión no que poderán ter
máis información así como tramitar
dende aquí a súa solicitude de alta.
NON
O ESQUEZA, SE TEN INTERESE EN OPTAR A UNHA DESTAS VIVENDAS
DEBE DARSE DE ALTA NO REXISTRO DE DEMANDANTES DE VIVENDA
PROTEXIDA DE GALICIA ------------------------------------------------
Licenzas de Obras
Co
obxectivo de ter un urbanismo máis ordenado,
o Concello acaba de adoptar as seguintes medidas:
-Non se permitirá
a realización de ningún tipo de obra sen
Licenza. Os infractores serán sancionados con
multas
que poderán acadar desde
os 300 ata os 6.000 euros,
segundo a gravidade da infracción ou a negativa
a para-las obras.
-Para facilitar a obtención
das Licenzas, o Concello, como xa ven facendo desde
hai meses, terá unha Comisión a primeira
semana de cada mes, de forma que o
plazo para ter Licenza estará entre os 20 e os
45 días desde a solicitude,
a menos que haxa que solicitar informe a outros Organismos,
como á Confederación, a Carreteras ou
a Patrimonio.
Todo aquel que teña
que facer calquera tipo de obra de construcción,
reparación, conservación, acondicionamento,
etc. deberá solicita-la Licenza antes de empeza-las;
con iso gañará tempo, cartos e evitará
moitos problemas.
