Os "Camiños medievais do Viño", son sen dúbida, unha das rutas máis importantes do comercio desde as poboacións comerciais ata as urbes medievais. Ribadavia, que sempre foi capital do Ribeiro, era unha das maiores abastecedoras de viño ás cudades de Vigo, Santiago, Pontevedra e A Coruña, sen esquecer que fixeron exportacións a Inglaterra e Portugal, usando o río Miño como medio navegable.

     Pero para poder abastecer estas urbes, existían uns camiños oficiais, onde os "arrieiros" levaban os seus carros cheos de pipotes e tirados por bois, esos camiños buscaban fundamentalmente as distancias máis cortas e posibles. Parte destes camiños convertéronse co comercio e coa peregrinación, en vínculos de unión entre pobos e terras con Santiago de Compostela.

     O "camiño do viño" do Ribeiro, naquela época, partía de Ribadavia e subindo por Villar de Condes, cruzaba as terras de Avión, pola Serra do Suído para seguir a Santiago, onde entraba pola porta de Mazarelos, tamén coñecida como a porta do viño.

      Este camiño, frecuentado principalmente polo Obispo Gelmirez, pai dos camiños xacobeos, nas súas constantes viaxes Braga-Santiago e viceversa, pasaba polos Chozos dol Suído, o que sen dúbida propiciaba a comunicación e o intercambio entre os viaxeiros e os nativos de Avión.

      Nun traballo feito por Miguel Angel González García, sobre a Cruz Procesional de Amiudal, fala de que foi feita por prateiros compostelans, e subraia que:

"En relación con la posible procedencia compostelana, no era extraño que se acudiese a Santiago para hacer esta hermosa pieza, pues la zona de Avión, perteneció al arzobispado hasta años recientes"

    Esta cruz data do século XVI.   Outro dato a destacar é que no ano 1215 aparece por primeira e única vez a Orden de los Templarios en Avión, concretamente relacionados coa igrexa de San Andrés de Abelenda.