O alzamento en armas do partido carlista afectou ao Ribeiro. Para prever as súas incursións e repeler a forza pola forza, se establécense as "Milicias Nacionais", nas que debían alistarse tódolos veciños. Unha circular do 3 de outubro de 1836 e posterior orden do 23 do mesmo mes e ano, fixa en cada Concello dez postos determinados nos que facían garda dous hombres durante o día e tres pola noite. A Comarca de Ribadavia estaba integrada por vintecatro compañías. Catro correspondían a Ribadavia, cinco a Amiudal, tres a Melón, catro a Beade, catro a Cenlle e catro a Leiro. Destacando Avión e concretamente Amiudal ao aportar máis compañías que ninguén.

     En 1838 apareceron os carlistas por estos pagos. A partida do carlista Gillade entre o 28 e o 30 de xullo xa causara un susto maiúsculo en Avión segundo comunicou o xuiz de primeira instancia de Ribadavia o día 29 de xullo, e fai saber ao comandante dos Nacionais de Leiro que a tan sinalada partida carlista atopábase hoxe ao mediodía na Graña, ao lado do Suído. Ante ese suceso, o comandante dos Nacionais partiu cara Avión con tódolos milicians para iniciar a búsqueda dos soldados carlistas.

     Pero é en 1853 cuando a crise máis se sintiu no Ribeiro en xeral e en Avión en particular. O Boletín Oficial de Ourense, no seu suplemento 47 do dezanove de abril, fala da "Xunta de Beneficencia do Partido" que afecta a Avión, que resultou o máis afectado. Segundo datos que expresan as actas desta "Xunta", as familias arruinadas por falta de colleita (e tamén pola aparición do Oidium na vide), repártense da seguinte maneira: Avión, 798; Arnoia, 798; Castrelo de Miño, 798; Beade, 422; Cenlle, 422; Leiro, 100; Melón, 338 e Ribadavia, 209. Para remediar a situación no posible, abreuse unha suscripción pública, na que figuran varios Concellos da Rexión, a Diputación provincial, o Goberno, o Obispado de Ourense e Tui, a Congregación Nacional de Santiago Apóstolo e as Xuntas Parroquiais, entre outras institucións.

     A todo iso, e por si fosen poucos os males, sumáronse no ano 1856 os estragos da cólera, que afectou a todo o Ribeiro.

     Outros gastos comuns de mantemento de servizos seguen orixinando cargas que se distribuien proporcionalmente entre os Concellos. No ano 1859 os gastos carcelarios ocasionados polos reclusos, establecíanse da seguinte maneira: Avión, 2.498 reais; Leiro, 2.400; Ribadavia, 1.900; Melón, 1.880; Cenlle, 1.820; Castrelo, 1.810; Arnoia, 1.320; Beade, 1.500 e Carballeda, 1.020, cun total de 16.140 reais. Estos datos sitúan a Avión como el primeiro Concello en número de presos, do que se pode supoñer a existencia dunha amplia poboación.

     Sen embargo no libro de acordos do Concello de Ribadavia, aparece un do 12 de febreiro de 1.874, onde observaron que desde o ano 1870 ao 84, inclusive, os Concellos de Avión e Castrelo, negáronse a pagar os gastos dos seus presos, recurso que contra eles promoveu o Concello de Ribadavia.

     Outro feito ocurrido no ano 1894, e que vai ter unha fundamental importancia na comunicación de Avión co Ribeiro, é a construcción da estrada que vai desde Beade a Avión, estando en proxecto neses momentos a estrada de Ribadavia a Carballeda de Avia.