Artigo 1º.
De conformidade có disposto no Artigo 20.4 do Real Decreto Lexislativo 2/2004, do 5 de marzo, polo que se aproba o Texto Refundido da Lei Reguladora das Facenda Locais, este Concello de Avión establece a Taxa pola prestación de Servizos no Centro Integral de Servizos Sociais“Alvetus”, concretándose estes Servizos nos seguintes:
      – Vivenda Comunitaria: Equipamento destinado a albergar en réxime de convivencia cuasi–familiar a persoas, preferentemente con un grao elevado de autonomía persoal.
      – Centro de Día: Equipamento destinado á atención diúrna de persoas con perda da súa autonomía física ou psíquica que precisen dunha serie de coidados e atencións de carácter persoal, terapéutico ou social.
      – Centro de Noite: Equipamento destinado ás persoas que, por diversas causas, necesitan atención en horario nocturno.  
      – Comedor Social: Servizo de comida no propio Centro ás persoas que o precisen, co fin de cubrir as súas necesidades alimenticias básicas e facilitar as súas relacións sociais e afectivas.
      – Xantar sobre Rodas: Servizo de similares características ao anterior pero prestado no domicilio da persoa que o necesite.
      – Lavandería Social: Servizo de lavado e pranchado da roupa dirixido ás persoas con ciertas limitacións ou dificultades para o desenvolvemento desta actividade.
      – Transporte Adaptado: Equipamento adaptado, que se encargará do traslado dos usuarios dende o seu domicilio ao Centro e viceversa.
Artigo 2º.
      1. Son suxeitos pasivos desta taxa todas aquelas persoas que, con algún grado de dependencia por razóns derivadas da idade, de enfermidades ou de discapacidades e ligadas á perda de autonomía física, mental, intelectual ou sensorial así o soliciten.
      2. Serán suxeitos pasivos, asímesmo, calquera outra persoa que, sen entrar nos supostos establecidos no párrafo anterior, non obstante obteña o informe favorable ou recomendación específica dos ServizosSociais municipais para ser usuario de calquera dos servizos enumerados no Artigo 1º.
Artigo 3º.
      Constitúe o feito impoñible a prestación de calquera dos servizos enumerados no Artigo 1º.,e sempre previo informe favorable ou recomendación específica dos Servizos Sociais municipais.
Artigo 4º.
      A solicitude de calquera dos servizos recollidos no artigo 1º tramitarase ante os servizos sociais Municipais, os cales avaliarán e proporán a súa aprobación ou denegación, que será acordada pola Alcaldía do Concello. Igualmente, será competencia da Alcaldía a supresión ou interrupción do servizo, previo informe dos Servizos Sociais Municipais
Artigo 5º.
      A tarifa Máxima pola prestación dos distintos servizos establecidos no Artigo 1º será a seguinte:
– Vivenda Comunitaria: • Prezo por mes ........................................................792,00 €. – Centro de Día:
    Tarifas para as plazas acollidas ó Cheque Asistencial:
• Xornada completa: Supón o dereito do usuario a permanecer no Centro ata 8 horas diarias, así como a recibir todas as comidas que se sirvan mentres esté neste (almorzo, comida ou merenda) ........................................................................................ 435,00 €.
• Media Xornada: Supón o dereito do usuario a permanecer no Centro ata 4 horas diarias, así como a recibir unha das comidas que se sirvan mentres estea neste, a elección del propio usuario (desayuno, comida o merenda) ............................................................ 214,00 €.
– Comedor Social:
     • Prezo por menú ............................................................................................ 4,50€.
– Xantar sobre Rodas:
     • Prezo por menú ........................................................................................... 5,50 €.
– Lavandería Social:
     • Prezo por colada, de ata un máximo de 5 kg. de roupa ................................... 3,50 €.
- Transporte Adaptado:
     • Prezo por viaxe ........................................................................................... 1,00 €.
     • Bono mensual: ida e volta, de luns a venres ................................................. 35,00 €.
Artigo 6º.
     1. A Tarifa aplicable pola prestación dos servizos de Centro de Día para as prazas non acollidas ao cheque asistencial e Centro de Noite, en calquera das súas modalidades excepto os días soltos, virá determinada pola renda ponderada da unidade familiar, que se obterá multiplicando a suma de tódolos ingresos mensuais dos seus membros polo coeficiente que corresponda, segundo o número de persoas que a formen, de acordo coa seguinte escala: Nº. de membros                Coeficiente
– 1 persoa .......................... 1,0
– 2 persoas ......................... 0,6
– 3 persoas ......................... 0,5
– 4 ou máis persoas ........... 0,4
    2. No servizo de Centro de Día para as prazas non acollidas ao cheque asistencial, ol importe a pagar por cada usuario terá como límite máximo a menor das seguintes cantidades:
    – En xornada completa: a) O Prezo de Tarifa do Cheque Asistencial. b) O 70 % dos ingresos ponderados da unidade familiar.
    – En media xornada:
    a) O prezo de Tarifa do Cheque Asistencial.
    b) O 70 % dos ingresos ponderados da unidade familiar, aplicándolles un índice corrector do 0,65. 3. No servizo de Centro de Noite, o importe a pagar por cada usuario terá como límite máximo a menor das seguintes cantidades: a) O prezo de Tarifa, establecido no Artigo 5º. b) O 55 % dos ingresos ponderados da unidade familiar.
Artigo 7º. Os prezos máximos establecidos na Tarifa da presente Ordenanza actualizaranse automáticamente con data do 1 de xaneiro de cada ano natural, tomando como referencia o I.P.C.
Artigo 8º. A tasa regulada na presente Ordenanza Fiscal devengarase no momento no que se inicie a prestación de calquera dos servizos previstos no Artigo 1º.
Artigo 9º. Facúltase expresamente á Xunta de Goberno Local do Concello de Avión para que, á vista de situacións especiais de carencia de ingresos familiares, debidamente documentadas e xustificadas, poida establecer, de forma extraordinaria, reduccións nos prezos máximos previstos na Tarifa da presente Ordenanza.
Disposición Adicional. No non previsto na presente Ordenanza Fiscal estarase ó disposto nos Artigos 20 ao 27 do Real Decreto Lexislativo 2/2004, de 5 de marzo, polo que se aproba o Texto Refundido da Lei Reguladora das facendas Locais, nos Artigos 6 ao 23 da Lei 8/1989, de 13 de abril, de Taxas e Prezos Públicos e nos Artigos 49 e 70.2 da Lei 7/1985, de 2 de abril, Reguladora das Bases do Réxime Local.
Disposición Transitoria. En tanto non estean regulados pola lexislación autonómica de Galicia os Centros de Noite, e para o caso de que non poida ser autorizado o que está previsto ubicar no Centro Integral de Servizos Sociais “Alvetus”, as súas instalacións poderán ser destinadas, temporalmente, á prestación doutros Servizos Sociais, segundo autorice a Xunta de Galicia. A presente redacción desta Ordenanza Fiscal foi aprobada polo Pleno do Concello de Avión na súa sesión de 6 de novembro de 2006, habéndose modificado por acordo da Xunta de Goberno Local na súa sesión do 24 de xullo de 2007.