Artigo 1º.: De conformidade có disposto no Artigo 41 do Real Decreto Lexislativo 2/2004, do 5 de marzo, polo que se aproba o Texto Refundido da Lei Reguladora das Facendas Locais, este Concello de Avión establece o Prezo Público pola prestación do servizo de Punto de Atención Infantil, o cal chamarase “Ruliños”.

Artigo 2º.: Constitúe o feito impoñible a utilización dos servizos de atención infantil que se prestan a traveso deste P.A.I., segundo a normativa vixente e en cumprimento dos convenios e disposicións que podan emanar da Xunta de Galicia ó respecto.

Artigo 3º.: Son suxeitos pasivos deste prezo público todas aquelas persoas que requiran a utilización destes servizos.

Artigo 4º.:
O importe do prezo público a satisfacer pola utilización deste servizo será:
          – Por cada hora: 2 euros, ata un máximo de 6 euros por día.
          – Establécese un bono mensual, válido para un só neno/a, por importe de 60 euros, sen límite de horas nin días dentro do mes de vixencia do mesmo.

Artigo 5º.: Sobre o importe do prezo público establecido anteriormente, e referido unicamente ó importe do bono mensual, poderanse aplicar as seguintes reduccións, acumulables entre si:
          – Por familia numerosa: 15 %.
          – Por ter mais de un neno/a da mesma familia no centro: 50 % sobre o segundo e 100 % sobre os demais.

Artigo 6º.: Facúltase expresamente á Xunta de Goberno Local do Concello de Avión para que, á vista de situacións especiais de necesidade, debidamente documentadas e xustificadas, poda establecer, de xeito extraordinario, reduccións no prezo para aquelas familias que a súa situación económica non permita o abono dos importes ou ben supoñan unha carga inasumible en todo ou en parte. Podendo, se as circunstancias así o aconsellasen, chegar estas reduccións ata ó 100 % do seu importe

Artigo 7º.: Encárgase á Xunta de Goberno Local do Concello de Avión para que no prazo máximo dun mes, contado dende a entrada en vigor da presente Ordenanza, aprobe un Regulamento de Funcionamento e Réxime Interior do Punto de Atención Infantil “Ruliños”.

Disposición Adicional: No non previsto na presente Ordenanza Fiscal estarase ó disposto nos artigos 41 ó 47 e 127 do Real Decreto Lexislativo 2/2004, do 5 de marzo, polo que se aproba o Texto Refundido da Lei Reguladora das Facendas Locais, nos artigos 24 ó 27 da Lei 8/1989, do 13 de abril, de Taxas e Prezos Públicos e nos artigos 49 e 70.2 da Lei 7/1985, do 2 de abril, Reguladora das Bases do Réxime Local. Igualmente, e debido á natureza do centro e servizo de que se trata, prevalecerán sobre a presente Ordenanza, e, no seu caso, sobre o Regulamento de Funcionamento e Réxime Interior previsto no Artigo 7º. da mesma, todas aquelas disposicións, normas ou indicacións que ó respecto emanen da autoridade competente da Xunta de Galicia.

          A presente redacción desta Ordenanza Fiscal foi aprobada polo Pleno do Concello de Avión na súa sesión do 27 de abril de 2005.