Artigo 1º.
     De conformidade có disposto no Artigo 20.4 do Real Decreto Lexislativo 2/2004, de 5 de marzo, polo que se aproba o Texto Refundido da Lei Reguladora das Facendas Locais, este Concello de Avión establece a Taxa pola prestación do servizo de Axuda no Fogar.

Artigo 2º.
     Constitúe o feito impoñible a prestación do servizo de axuda a domicilio concedido a traveso dos Servizos Sociais municipais.

Artigo 3º.
      Son suxeitos pasivos desta taxa todas aquelas personas que, voluntariamente, ben de forma temporal ou con carácter estable, se beneficien do servizo.

Artigo 4º.
      1. A solicitude do servizo tramitarase ante os servizos Sociais municipais, os cales a avaliarán e proporán a súa aprobación ou denegación, que será acordada pola Alcaldía do Concello. Igualmente, será competencia da Alcaldía a supresión ou interrupción do servizo, previo informe dos Servizos Sociais Municipais.
     2. O servizo prestarase unicamente en días laborais.
     3. O tempo mínimo de prestación diaria do servicio non poderá ser inferior a unha hora, e o tempo máximo non poderá exceder das dúas horas.

Artigo 5º.
      1. A cota tributaria será el prezo máximo a satisfacer por cada hora de prestación do servizo, establecéndose este no importe de 9,00 €uros.
      2. Esta cota toma como referencia o custe máximo por hora do servizo de atención de axuda no fogar aprobado pola Xunta de Galicia dentro do programa do cheque asistencial.

Artigo 6º.
      1. A Tarifa aplicable pola prestación deste servizo virá determinada pola renda ponderada da unidade familiar, entendendo como tal o conxunto de persoas que conviven co usuario/a do servizo, incluido este/a, sendo a dita Tarifa a resultante da aplicación da seguinte escala:
Tarifas a pagar por hora de Servizo segundo a Renda Ponderada:
– Ata 301,55 €. ………………………………... 0,00 €.
–De 301,56 a 400,00 €. ……………………….0,90 €.
– De 400,01 a 550,00 €. ………………………. 1,80 €.
– De 550,01 a 750,00 €. ……………………….3,60 €.
– De 750,01 a 900,00 €. ………………………. 5,50 €.
– De 900,01 a 1.200,00 €. ……………………..6,75 €.
– Más de 1.200,01 €. …………………………. 9,00 €.
      2. O importe exento de pago que figura como primeiro tramo da anterior escala da Tarifa toma como referencia a contía básica da pensión non contributiva de xubilación.

Artigo 7º.
      O importe da renda ponderada da unidade familiar calcularase multiplicando a suma de todos os ingresos mensuais dos seus membros polo coeficiente que corresponda segundo o número de persoas que a formen, de acordo coa seguinte escala:
                                     Nº. de membros                 Coeficiente
                                       – 1 persoa ........................... 1,0
                                       - 2 persoas ......................... 0,6
                                      – 3 persoas ......................... 0,5
                                      – 4 ou máis persoas ............... 0,4

Artigo 8º.
      Nos casos nos que no domicilio haxa alomenos unha persoa con unha reducción de movilidade igual ou superior ao 90 %, acreditada por Informe Médico, a Tarifa a facturar será a correspondente ao tramo anterior ó que lle corresponda, segundo a escala do Artigo 6º. da presente.

Artigo 9º.
      Os criterios de actualización dos importes, tramos e prezos que se establecen na presente Ordenanza serán os seguintes, e aplicaranse de forma automática con data do 1 de xaneiro de cada ano natural:
    a) A cota tributaria establecida no Artigo 5º. terá sempre como referencia o custe máximo por hora do servizo de atención de axuda no fogar que aprobe a Xunta de Galicia dentro do programa do cheque asistencial, ou similar, no caso de transformación ou modificación deste.
    b) O importe exento de pago que figura como primeiro tramo da escala da Tarifa establecida no Artigo 6º. será sempre do mesmo importe que a contía básica que se estableza para a pensión non contributiva de xubilación.
    c) Os seguintes tramos da escala da Tarifa establecida no Artigo 6º. Actualizaranse anualmente coa mesma proporcionalidade que o incremento que experimente o primeiro, segundo o disposto na letra anterior.
    d) O prezo a satisfacer por cada un dos tramos da escala de Tarifa establecida no Artigo 6º. incrementarase anualmente segundo o I.P.C., excepto o último tramo, que coincidirá co importe total da cota tributaria que corresponda.

Artigo 10º.
      1. A taxa regulada na presente Ordenanza Fiscal se devengarase no momento en que se inicie a prestación do servizo.
     2. O período impositivo será mensual, e o pago realizarase a mes vencido.
     3. A falta de pago de dúas cotas mensuais consecutivas ou de tres discontinuas nun período dun año, poderá determinar a interrupción do servizo.
     4. De incurreir en dúas ou máis interrupcións polas causas contidas no apartado anterior poderase determinar a supresión do servizo.

Artigo 11º.
      Facúltase expresamente á Xunta de Goberno Local do Concello de Avión para que, á vista de situacións especiais de necesidade, debidamente documentadas e xustificadas, poida establecer, de forma extraordinaria, reduccións no prezo para aquelas familias que a súa situación económica non permita o abono dos importes ou ben supoñan unha carga inasumible en todo ou en parte. Podendo, se las circunstancias así o aconsellasen, chegar estas reducciones ata o 100 % do seu importe.

Disposición Adicional. No non previsto na presente Ordenanza Fiscal estarase ó disposto nos Artigos 20 ao 27 do Real Decreto Lexislativo 2/2004, de 5 de marzo, polo que se aproba o Texto Refundido da Lei Reguladora das Facendas Locais, nos Artigos 6 ao 23 da Lei 8/1989, de 13 de abril, de Taxas e Prezos Públicos e nos Artigos 49 e 70.2 de la Ley 7/1985, de 2 de abril, Reguladora das Bases do Régime Local. A presente redacción desta Ordenanza Fiscal foi aprobada polo Pleno do Concello de Avión na súa sesión de 17 de marzo de 2006.