Artigo 1º.:
      En uso das facultades conferidas polos artigos 133,2 e 142 da Constitución e polo artigo 106 da Lei 7/1985, de 2 de abril, Reguladora das Bases de Réxime Local, e de conformidade co disposto nos artigos 15 a 19 da Lei 39/1988, de 28 de decembro, Reguladora das Facendas Locais, este Concello de Avión establece a Taxa pola Recollida Domiciliaria de Lixos ou Residuos Sólidos Urbanos, que se rexerá pola presente Ordenanza Fiscal, cuxas normas atenden ao prevido no artigo 58 da citada Lei 39/1988.

Artigo2º.:
      1. Dado o carácter hixiénico-sanitario e de interés xeral, o servizo é de obrigatoria aplicación e pago para toda persoa física ou xurídica que sexa suxeito pasivo da obrigación, segundo o establecido no artigo 5º da presente Ordenanza. 2. Queda totalmente prohibido o vertido de lixo en todo el termo municipal.

Artigo 3º.:
     1. Constitúe o feito impoñible da Taxa a prestación do servizo de recepción obrigatoria de recollida, condución, trasiego, verquido, manipulación e eliminación de lixos domiciliarios e residuos sólidos urbanos de vivendas, aloxamentos e locais ou establecementos onde se exercen actividades industriais, comerciais, profesionais, artísticas, de servizos ou similares.
      2. Entran dentro do ámbito de aplicación da presente Ordenanza as escouras e residuos sólidos producidos como consecuencia das seguintes actividades e situacións:
a) Domiciliarias.
b) Comerciais e de servizos.
c) Sanitarias.
d) Abandono de aparellos, mobles e vehículos.
e) Industriais, de construcción de obras menores, de reparación domiciliaria.
f) Outras análogas.
      3. As basuras haberán de ser depositadas polos usuarios do servizo nos contenedores instalados ao efecto, e deberán ser introducidas previamente en bolsas de plástico debidamente pechadas. As basuras que polas súas características especiais non poidan ser depositadas nas correspondentes bolsas, serán sacados á vía pública no momento da recollida.

Artigo 4º.:
      1. A obriga de contribuir nace coa prestación do servizo, por ter a condición de obrigatoria e xeral, entendéndose utilizado polos titulares de vivendas e locais existentes na zona que cubra a organización do servizo. 2. Non será admisible alegación algunha sobre vivendas ou locais pechados ou non utilizados como eximente do pago da presente Taxa.

Artigo 5º.:
      1. Son suxeitos pasivos contribuíntes as persoas físicas ou xurídicas e as Entidades a que se refire o artigo 33 da Lei Xeral Tributaria, que ocupen ou utilicen as vivendas e locais ubicados nos lugares en que se preste o servizo, xa sexa a título de propietario ou de usufructuario, habitacionista, arrendatario ou, mesmo, de precario.
      2. Terán a consideración de suxeitos pasivos substitutos do contribuínte os propietarios das vivendas ou locais, os cales poderán repercutir, no seu caso, as cotas satisfeitas sobre os usuarios de aquelas, beneficiarios do servizo.

Artigo 6º.:
      A cota tributaria consistirá nunha cantidade fixa, por unidade de local, que se determinará en función da natureza e destino dos inmobles. A tal efecto, aplicarase a seguinte Tarifa:
                               Concepto                      Importe
a) Vivendas de carácter familiar ....................................... 40,00 €
b) Actividades comerciais, industriais, financieiras e outras de carácter similar ............................................. . 65,00 €.

Artigo 7º.:
      1. Para os efectos da cobranza da presente Taxa, por parte do Concello formarase un padrón no que figurarán os contribuíntes e as cotas respectivas que se lles liquiden por aplicación da presente Ordenanza. Ás altas ou incorporacións, que non sexan a petición propia, notificaránselles estas persoalmente aos interesados.
      2. Unha vez incluídos os contribuíentes no Padrón de referencia non será necesaria notificación persoal algunha, abondando a publicación anual do mesmo no “Boletín Oficial da Provincia” e Taboleiro de Anuncios.

Artigo 8º.:
      1. As baixas no Padrón deberán cursarse antes do último día laborable do respectivo exercicio para que produzan efectos a partir do exercicio seguinte.
      2. As altas que se produzan dentro do exercicio producirán efectos dende a data en que naza a obriga de contribuír. Pola administración municipal liquidarase en tal momento da alta a Taxa procedente e quedará automaticamente incorporada ao Padrón para os seguintes exercicios.

Artigo 9º.:
      1. A Taxa regulada pola presente Ordenanza devengarse por anos completos o día primeiro de cada exercicio.
      2. As cotas liquidadas e non satisfeitas no período voluntario e a súa prórroga faranse efectivas pola vía de apuro, conforme ás normas do Regulamento Xeral de Recadación
      3. Consideraranse partidas falidas ou créditos incobrables aquelas cotas que non puideran facerse efectivas polo procedemento de constrinximento, para a declaración do cal se formalizará o oportuno expediente, de acordo co prevido no regulamento Xeral de Recadación.

Artigo 10º.:
      1. En todo o relativo á cualificación de infraccións tributarias, así como das sancións que a estas correspondan en cada caso, estarase ao disposto nos artigos 77 e seguintes da Lei Xeral Tributaria.
      2. As infraccións a esta Ordenanza que non constitúan defraudación serán resoltas pola Alcaldía, na forma e contía previstas nas disposicións legais vixentes.

A presente redacción desta Ordenanza Fiscal foi aprobada polo Pleno do Concello de Avión na súa sesión de 28 de novembro de 2001.