Artigo 1º.: De conformidade co disposto no artigo 60.2 da Lei 39/1988, do 28 de decembro, Reguladora das Facendas Locais, este Concello de Avión establece o Imposto sobre Construcións, Instalacións e Obras.

Artigo 2º.: Constitúe o feito impoñible do Imposto a realización, dentro do Termo Municipal, de calquera construción, instalación ou obra para a que se esixa obtención da correspondente licenza de obras ou urbanística, obtivérase ou non a devandita licenza, sempre que a súa expedición corresponda a este Concello

Artigo 3º.: Son suxeitos pasivos de este Imposto as persoas físicas ou xurídicas e as Entidades a que se refire o Artigo 33 da Lei Xeral Tributaria, propietarias dos inmobles sobre os que se realicen as construcións, instalacións ou obras, sempre que sexan donos das obras; nos demais casos considerarase contribuínte a quen ostente a condición de dono da obra.

Artigo 4º.: A base impoñible do Imposto está constituída polo custo real e efectivo da construción, instalación ou obra.

Artigo 5º.:
     1. A cota deste Imposto será o resultado de aplicar á base impoñible o tipo de gravame.
     2. O tipo de gravame será o 2 por cento.

Artigo 6º.: O presente Imposto devengarase no momento de iniciarse a construción, instalación e obra, aínda cando non se obteña a correspondente licenza.

Disposición Adicional: No non previsto na presente Ordenanza Fiscal se estará ao disposto nos Artigos 101 a 104, ambos os dous inclusive, da Lei 39/1988.

A presente redacción desta Ordenanza Fiscal foi aprobada polo Pleno do Concello de Avión na súa sesión do 7 de outubro de 1989