Monumentos

Igrexas
Moi pouco se pode falar das igrexas existentes nas diferentes épocas da historia de Avión, xa que poucos datos chegaron ata os nosos días. No ano 1155 Avión, correspondía ao territorio xurisdiccional do Metropolitano de Braga, a quen como tal recoñeceron no ano 1010 os Bispos de Mondoñedo, Astorga, Lugo, Tui, Ourense, Lamego, Coimbra, Porto e Viseu, nembargantes, esa dependencia non se debeu prolongar máis aló da inauguración da Monarquía portuguesa no ano 1139.

Sen embargo no ano 1150, con motivo dunha competencia sobre límites da diócese entre os Prelados de Oviedo, Ourense e Astorga, o Papa encomendoulle a solución desta competencia ao emperador D. Alonso VII, dispoñendo este a 1 de marzo de 1150, que o Bispo de Oviedo cedera ao de Ourense toda a parte diocesana da Limia, desde o monte de Padrón ata Donia, e desde o río Azor hasta Arnoiz, ata que penetra este no río Miño, ata Barroso coas iglexas de Petrayn e as de Castela; a de Orcellón; as igrexas de Avia e de Avión.

Por aqueles mesmos anos, e concretamente en 1156, fíxose, entre o Bispo de Ourense e o Cabildo de Tui, unha partición de igrexas das súas dióceses, na que figura o arciprestazgo de Novoa e Avión; o que ao parecer indica que parte do territorio de Novoa e Avión (Pero no o de Ribadavia), pertencían xa a aquela diócese en parte, e que outra parte do territorio, chamado terras de Avia e Avión, formaban parte da diócese de Ourense. No ano 1215 aparece por primeira eúnica vez a Orde dos Templarios en Avión, concretamente relacionados coa igrexa de San Andrés de Abelenda.

Pero durante a Idade Media o maior protagonismo exerceuno o señorío dos Sarmiento, condes de Ribadavia, instaurado en 1375. A súa xurisdicción abarca varias freguesías: Avión, Abelenda, Amiudal, Barroso, Nieva, Couso (que compartía co mosteiro de Melón) e Córcores. Todas elas debían pagar un tributo denominado “fumaza” ou “fogaza”, que foi abolido por Isabel II en 1837. Na actualidade o concello de Avión ten as parroquias de Abelenda de Avión, Amiudal, Avión, Baiste, Barroso, Corcores, Couso, Cortegazas e Nieva. Todas elas con igrexa propia, aínda que non son aquelas que figuran na historia de Avión nos séculos XII e XIII, das que descoñecemos o seu fin.

As igrexas actuales que conforman as nove parroquias do Concello de Avión, teñen unha historia reciente que detallamos a continuación:

  • “Igrexa de Santa Mariña”: Situada na poboación de Abelenda de Avión, é unha igrexa de estilo Románico con elementos barrocos, ten un sepulcro antropoide. Destaca a cruz parroquial na que interveu o prateiro Vilaza en 1741.
  • “Igrexa de Santiago”: Ubicada na poboación de Amiudal, que no seu día fuo capital do Concello. Construida a mediados do século XVII. Posúe elementos artísticos de estilo barroco santiagués propios de 1755 cando D. Antonio Camba mandou facer unha intervención na capela mayor.
  • “Iglesia dos Santos Xusto e Pastor”: Situada na capital do concello, foi iniciada a súa construcción aproximadamente en 1600, finalizando en 1742. Presenta unha singular fachada-retablo barroco realizada por canteiros da Terra de Montes. Ten ademáis outras dúas portadas fortemente moldeadas e con hornacina superior, nas que están as esculturas de San Antonio con o Neno e a Virxe e o seu fillo. A cabeceira moi anterior a 1742, ten bóveda de nervios de estilo gótico con claves historiadas policromadas. Na central figuran os Santos Xusto e Pastor, patronos da parroquia, con caretas alusivas aos principios centrais da fe. A similitude estilística da torre, con carátulas angulares na balaustra inferior, con outras como as de Carballeda e Beiro, fainos adiantar a hipótese dunha mesma cabeza rectora, que non poido ser outro que o conde de Ribadavia. Esta igrexa leva columnas salomónicas angulares, soporte tectónico infrecuente nos exteriores barrocos galegos , sendo un dos exemplos máis importantes do Barroco.
  • “Igrexa de Santa María”: Da parroquia de Baiste, foi construida no século XVIII e renovada en 1910. Esta iglesia perteneció durante muchos años al monasterio de Melón.
  • “Igrexa de Santa Eulalia”: Ubicada en Barroso, foi construida no ano 1622 e renovada en 1767.
  • “Igrexa de Santa Mariña”: Da parroquia onde se ubica, Córcores, ten un retablo do século XVII.
  • “Igrexa de Santa María”: Situada en Couso, ten importantes restos dun baldaquino medieval gótico do século XV.
  • “Igrexa de Santo Antonio”: Ubicada en Cortegazas.
  • “Igrexa de San Martiño”: Situada en Nieva
Listado de Capelas
  • Capela de San Xosé (Beresmo)
  • Capela de San Vicenzo (San Vicenzo)
  • Capela de Santa Isabel (Liñares)
  • Capela de San Bieito (Camposancos)
  • Capela de Santa María (A Edreira)
  • Capela de la Virxen do Libramento (Rubillón)
  • Capela de San Antonio (Pascais)
  • Capela de Santo Estevo 
  • Capela de San Roque e San Bieito (Espiñeiro)
Este enderezo de correo está a ser protexido dos robots de correo lixo. Precisa activar o JavaScript para velo.   ·   Tel. 988 486 000   ·   Praza do Concello s/n 32520, Avión Ourense