Infórmase á veciñanza que, unha vez realizadas todas as comprobacións e análises pertinentes polo servizo municipal de augas, confírmase que a auga da rede municipal é apta para o consumo humano.
Os parámetros de calidade atópanse dentro dos valores permitidos pola normativa vixente, polo que se levanta a recomendación anterior e a auga pode empregarse con normalidade para beber, cociñar e para a preparación e manipulación de alimentos.
Agradecemos a comprensión e colaboración da cidadanía durante estes días.